“Më vonë dialogu do të devijoj në njohjen e plotë në këmbim të ndarjes së Veriut”

Meliza Haradinaj-Stublla, ish-kryediplomate, ka reaguar pas deklaratë së përbashkët të Scholz, Macron dhe Meloni ku kërkojnë nga Serbia që ta japë njohjen “de-facto”.

Haradinaj-Stublla ka bërë një paralajmërim, duke thënë se në bazë të një rendi të tillë logjik, dialogu do të devijojë duke këmbyer njohjen e plotë diplomatike me ndarjen e veriut të Kosovës.

“Zbatimi vullnetar i ‘Njohjes Defakto’ nuk ndodhë pa u hequr Kosova nga Kushtetuta e Serbis/ ‘Njohja defakto’ NUK është kundërvlerë për model të ri Asociacioni (ndryshe nga ekzistuesi i komunave të Kosovës)“, tha ajo.

Reagimi i plotë:

Dy fakte duhet të mos i harrojmë:

1. Zbatimi vullnetar i ‘Njohjes Defakto’ nuk ndodhë pa u hequr Kosova nga Kushtetuta e Serbisë;

2. ‘Njohja defakto’ NUK është kundërvlerë për model të ri Asociacioni (ndryshe nga ekzistuesi i komunave të Kosovës).

Prandaj sipas këtij rendi logjik, disa vite më vonë dialogu do të devijojë duke këmbyer Njohjen e plotë Diplomatike me ndarjen e veriut të Kosovës!!