Megjithëse prentendoi për një punë në institucionet e artit dhe kulturës, aktorja Monika Lubonja ka marrë një tjetër post në Bashkinë Tiranë: Drejtoreshë e Kopshtit Zoologjik. Këte e konfirmoi vetë ish-konkurrentja e Big Brother Vip, teksa në intervistën e fundit për “Wake Up”. Lubonja tha me humor se pasi zbuti njerëzit në BBV, tashmë e kanë angazhuar që të njëjtën gjë të bëjë edhe me kafshët e e gra. “Faleminderit, diplomacia pra, drejtoreshë e Kopshtit Zoologjik. Siç duket thanë, meqë zbuti ata njerëzit, do t’i zbusë dhe këta. Ata atje në BBV më deshën të gjithë. Aty realisht është bërë një punë shumë e mirë, aty me të vërtetë është bërë një qendër totalisht e re”, deklaroi aktorja.
Për tabelënë që paralajmëronte prindërtit për fëmijët nga rrezíku prej luanit, aktorja tashmë drejtoreshë tha se ajo mund të jetë vendosur nga vizitorët.
“Këto tabela nuk janë të vëna nga ne. do të jetë nga vizitorët që kanë për qëllim që të bëhen lajme dhe meme. Ajo që më vjen keq është që ka personazhë publikë që e marrin dhe e postojnë.
Jo gjithmonë duhet të kemi tendencën që për një gjë të bërë mirë, të kemi diçka për të thënë dhe ta shajmë më pas. Duhet vlerësuar e gjithë puna, deri tek ata njerëz që mirëmbajnë kafshët. Nuk pyeti njeri, a janë hapur vende pune”, përfundoi Lubonja.
