Gazetari, Baton Haxhiu, në Pressing të T7, ka thënë se dy ministra i kanë ofruar dorëheqje kryeministrit të Kosovës, Albin Kurti që të mos themelohet Asociacioni i Komunave me Shumicë Serbe.
“Më nuk janë pjesë e kryesisë, një prej tyre është parimor dhe ka refuzuar asociacionin”.
Haxhiu ka pretenduar se edhe kryeministri i Kosovës, Albin Kurti e ka ofruar dy herë dorëheqjen para ndërkombëtarëve për ta mos implemetuar Asociacionin. Sipas tij Kurti ishte shprehur i gatshëm për të shkuar në zgjedhje.
“Ka muaji shtator ose tetor, Kurti iu ka thënë ndërkombëtar se nuk mundet t’i dalë elektoratit përpara duke e themeluar Asociacionin”, ka thënë Haxhiu.
Gazetari Haxhiu nuk tregoi kush janë emrat e ministrave që sipas tij ofruan dorëheqje, vitin e kaluar.
Ai po ashtu deklaroi se Albin Kurti duhet t’i jap një bashkëpunim opozitës, por edhe të kërkojë falje për diskursin që e ka pasur ndaj opozitës.
