Teksa Kuvendi i Kosovës po debaton për projektbuxhetin e Kosovës për vitin 2023, ka dalë në podium edhe deputeti nga radhët e AAK-së, Bekë Berisha. Ai ndër të tjera I rënditi gjërat që duhet ti bëj kryeministri i Kosovës.
“Do ti bëja unë, por s’mund të bëhem kryeministër asnjëherë. Nuk i kam do elemente për tu bërë, që disa nga ju i keni dhe ndoshta do të bëheni”, tha Berisha.
Kjo shkaktoi të qeshura në kuvend.
Atë e ka inkurajuar të mos dorëzohet vet kryetari i kuvendit, Glauk Konjufca.
“Mos u dorezo kaq shpejt Bekë. Ju dy herë e keni pasi kryeministrin, ndoshta në të ardhmen mund ta keni prapë”, i tha Konjufca.
Ndryshe, Bekë Berisha është tash e disa mandate deputet në kuvend. Ai njihet me së tepërmi me konsumimin enorm të kafesë, duke deklaruar që pi nga 50 expresso në ditë. Berisha gjithashtu njihet edhe për ushtrimet fizike, duke përdorur metoda natyrore.
