Oleksandr “s1mple” Kostyliev fitoi çmimin lojtari i dekadës në CS:GO,pasi një grup prej 75 lojtarësh kryesor të CS:GO votuan për personin që pati arritjet më të mëdha në 10 vitet e fundit.
Ukrainasi njihet si lojtari më i mirë i të gjitha kohërave në video-lojën Counter Strike, karrierën e tij e nisi në moshën 16 vjeçare si pjesë e ekipit LAN DODGERS.
Në vitin 2014, s1mple pati një sukses të madh në turneun DreamHack Winter, po atë vit së bashku me ekipin e tij fituan ndaj fnatic, që ishte njëri nga ekipet më të mira të CS:GO atë kohë.
Lojtari më i mirë në botën e CS:GO, u bë pjesë e ekipit Na’Vi në vitin 2016, me të cilët arriti suksese të mëdha, duke fituar turneun më të madh të CS:GO në Stokholm, si dhe shumë turne të tjerë të rëndësishëm.
Reklama
Gjatë kësaj kohe s1mple fitoi edhe çmime të shumta të MVP, si dhe u shpall dy herë lojtari më i mirë i CS:GO, dhe tani fitoi dhe çmimin si lojtari i dekadës, prezantuar nga organizatori ESL
Pasi fitoi çmimin lojtari i dekadës s1mple nuk harroi ta përmendë as lojtarin danez device, i cili sipas tij e meriton këtë çmim njëjtë sikur ai.
“Ndihem mirë për marrjen e çmimit, megjithëse trofeu Major ishte i rëndësishëm për mua këtë herë. Dhe unë ende mendoj se ka një lojtar që e meritoi këtë çmim po aq sa unë – dev1ce. Unë do të bëj më të mirën për të arritur të njëjtat rezultate si ai. Nuk ka kufi për përsosmërinë”. /Telegrafi/
