Gabimet që paskemi bërë gjithmonë, ja si duhen hekurosur rrobat varësisht nga materiali
Jo të gjitha materialet hekurosen njësoj, por këtë, fateqësisht e mëson vetëm pasi ke prishur një, dy ,tre ose më shumë rroba. Ndonëse etikat e veshjeve mbartin disa informacione kyç për larjes e hekurosjen e rrobave, ndodh rrallë që ne t’i ndjekim këto udhëzime.
Për të mos dëmtuar më veshje, të paktën ndiqni këshillat.
-Pambuku: Hekuri mund të gradohet në maksimum pasi ky material është shumë i mirë. Duket të keni kujdes vetëm nëse në sipërfaqen e bluzës keni të stampuara figura . Stampat nuk duhen hekurosur.
-Lino: Veshjet lino duhen kthyer gjithnjë mbrapsht e më pas të hekurosen. Pëlhura nuk duhet të jetë shumë e thatë dhe herë pas here duhet ta spruconi veshjen me ujin e hekurit apo avull.
-Leshi: Ky material kërkon nxehtësi të ulet. Për të mbrojtur materailin mund të vendosni gjithashtu një copë pambuku mbi rrobë në mënyrë që të mos dëmtoni qimet e veshjes.
-Mëndafshi: Nxhetësia duhet të jetë minimale dhe asnjëherë nuk duhet ta vendosni hekurin direkt në mëndafsh.
-Poliester: Hekurosini këto veshje me nxehtësi mesatarisht të ulët, spërkateni sipas nevojës, por shmangni avullimin.
-Nailoni: Njësoj si poliestra dhe nailoni duhet hekurosur me gradim të ulet dhe të shmanget avulli.
-Akrilik: Sigurohuni që veshjet akrilik të jenë të kthyera mbrapsht para se t’i hekurosni dhe kurrë mos krijoni avull për t’i hekurosur më mirë, pasi thjesht mund të dëmtoni materialin.
-Dantella: Duhet të jetë tërësisht e thatë e të mbrohet me një copë tjetër përpara se të hekuroset.
-Kadife zero : Asnjëherë mos e hekurosni, ky material duhet vetem të trajtohet me avull.
-Lesh kashmiri: E njëja gjë si me materialin velvet.
