Një numër deputetësh të Lidhjes Demokratike të Kosovës nuk janë marrë pjesë në mbledhjen e Grupit Parlamentar të thirrur nga kryetari i partisë, Lumir Abdixhiku, vetëm një ditë para seancës së Kuvendit, mëson Gazeta Minuti.
Mungesa e tyre ka nxitur diskutime për qëndrimet e ndryshme brenda grupit parlamentar lidhur me zhvillimet e fundit politike dhe me mënyrën se si pritet të veprohet në seancën e së enjtes.
Mbledhja ishte thirrur me synimin e koordinimit të deputetëve para seancës parlamentare, por mospjesëmarrja e një pjese të tyre është interpretuar nga disa si sinjal i pakënaqësive të brendshme dhe i mosdakordësive për çështje të caktuara politike.
Deri më tani nuk ka pasur një reagim zyrtar nga LDK lidhur me arsyet e mungesës së deputetëve, ndërsa mbetet të shihet nëse kjo situatë do të reflektohet edhe në qëndrimet që grupi parlamentar do të mbajë gjatë seancës së Kuvendit.
