Kryetari i degës së LDK-së në Skenderaj, Isa Fejzullahi, ka kontestuar mandatin e disa delegatëve të LDK-së që kanë marrë pjesë në Kuvendin e Jashtëzakonshëm, i cili është mbajtur të enjten.
Ai ka bërë me dije se disa delegatë që kanë marrë pjesë në këtë kuvend, ku Lumir Abidxhiku për disa vota i mbijetoi shkarkimit nga posti i kryetarit të partisë, nuk kanë pasur të drejtë vote.
Në profilin e tij në Facebook, ai ka sfiduar qendrën e partisë që të demantojnë.
“Ne kuvendin e LDK-së dje ka pas delegatë le që s’kanë pas të drejtë me votu, po as me qenë aty. Le të më demantojë dikush nga qendra qe vetë i ka zgjedhë ,ma konkret e din Ilir Ferati!!”, ka shkruar ai.
