Një surprizë muzikore që po mbahej larg syve të publikut duket se është zbuluar para kohe. Një pjesë e projektit të ri që bashkon Cllevio dhe Dafina Zeqiri ka rrjedhur në rrjetet sociale, duke bërë menjëherë bujë mes fansave.
Edhe pse asnjëri prej artistëve nuk kishte paralajmëruar zyrtarisht këtë bashkëpunim, audioja e këngës ka nisur të qarkullojë me shpejtësi në TikTok dhe platforma të tjera sociale.
Publikimi i parakohshëm ka ndezur menjëherë kureshtjen e ndjekësve, të cilët po shpërndajnë masivisht fragmentin dhe po komentojnë bashkimin e dy artistëve në të njëjtin projekt.
Ky bashkëpunim vjen në një moment të rëndësishëm për Cllevion, i cili pas rikthimit të tij po tregon se është fokusuar fuqishëm te muzika dhe projektet e reja artistike.
Ndërkohë, fansat tashmë presin një reagim zyrtar nga dyshja, si dhe datën e publikimit të plotë të këngës dhe videoklipit.
Nëse konfirmohet, ky do të jetë bashkëpunimi i parë mes Cllevios dhe Dafina Zeqirit, një duet që ka zgjuar interes të madh që para publikimit zyrtar.
