Kryeministri i Kosovës, Albin Kurti, po vazhdon të prijë bindshëm në pothuajse të gjitha sondazhet e publikuara para zgjedhjeve të 7 qershorit.
Sipas matjeve të fundit të opinionit publik, Lëvizja Vetëvendosje mbetet forca më e madhe politike në vend, duke lënë pas partitë opozitare me diferencë të konsiderueshme.
Analistët politikë vlerësojnë se mbështetja për Kurtin lidhet me perceptimin e qytetarëve për stabilitetin qeverisës, politikat sociale dhe zhvillimet në veri të vendit.
Në anën tjetër, partitë opozitare kanë intensifikuar fushatën elektorale në përpjekje për të ngushtuar diferencën, por sondazhet e deritanishme tregojnë se Kurti mbetet favorit për të fituar edhe një mandat.
Fushata zgjedhore pritet të intensifikohet në ditët në vijim, ndërsa qytetarët do t’u drejtohen kutive të votimit më 7 qershor.
