Pas rezultatit të zgjedhjeve, ka reaguar edhe artisti Ҫun Lajҫi, duke iu drejtuar kryeministrit Albin Kurti me disa vargje.
Ai i thotë Kurtit se e ka pasur përkrahjen e tij edhe atëherë kur është kërcënuar me vdekje, edhe kur është sharë, kërcënuar e mallkuar.
Ai e ka uruar Kurtin për këtë fitore, e poashtu edhe i ka bërë disa kërkësa.
Postimi i plotë:
Kryeministër,
E ke pasë përkrahjen time për pesë vjet rresht,
si njeri që rri në këmbë edhe kur era i bie përballë.
T’kam besue,
dhe s’i bie pishman as shkrimit,
as fjalës s’gjallë që e kam nxjerrë prej vetes.
I kam përbi mallkimet, shamjet e kërcnimet —
deri edhe me jetë.
M’kan shkrue:
“Pse po e përkrah malazezin?”
“Pse po e shkatërron karrierën?”
“Pse po e ulë veten?”
“Pse po bahesh b* lëpirës?”
Fjalë të randa,
gjëra që s’thuhet,
gjëra që s’i ka hije shqiptarit
kur harron veten.
Por unë i kam besue vetës,
sinqeritetit tand,
dhe dashnisë tande për atdheun —
asaj dashnie që s’ban zhurmë,
por rri si gur n’themele.
Albin,
tash po ta uroj pushtetin edhe për katër vjet,
me shpresën se ke me qenë
ma i drejtë se dje,
ma i përmbajtun se sot,
dhe ma i madh se vetja jote
kur t’jetë nevoja.i
Sonte, për herë t’parë pas shumë kohe,
po më pushohet trupi.
Natën e mirë juve
që e votuet djaloshin nga Sukobina,
të lindun, të rritun
dhe të kalitun në Prishtinë,
mes fjalës, përplasjes dhe durimit.
Urime,
Albin Kurti
28.12.2025
