Zyra e kryeminsitrit të vendit për tre vjetët e ardhshëm nuk do ta ketë më “hallin” e shërbimeve të transportit ajror.
Bileta e aeroplanit i kanë siguruar për tre vjetët e ardhshëm. Kjo pasi është arritur të finalizohet tenderi i radhës me marrëveshje.
Tenderi në fjalë i është besuar operatorit ekonomik “AS Travel Club Sh.p.k”.
Kurorëzimi i kësaj marrëveshjeje kryeministrisë i ka kushtuar hiç më pak se 343.007.00 euro.
Në njoftimin e publikuar nga E- prokurimi bëhet me dije se tenderi i përgjithshëm me çmimin më të lartë ka qenë 346,290.00 euro, shkruan Indeksonline, transmeton Periskopi.
Po ashtu, bëhet me dije se për të njëjtin tender kanë aplikuar 6 operatorë ekonomikë.
