Deputetja e Lëvizjes Vetëvendosje, Fitore Pacolli në Klan Kosova tregoi se çka ndodh me lokalet të cilat nuk shërbejnë ujë falas.
Ajo u shpreh se në rast të mosrespektimit të këtij vendimi, mbetët nga inspektorati që të marrë masat e nevojshme.
“Mbetët nga inspektorati që të marrë masa për kafiteritë që nuk e respektojnë vendimin, por unë prapë po them që nuk besojë që do të ketë kafiteri që të refuzojnë ta respektojnë këtë vendim.
Ministria e cila ka marrë vendimin do t’i përcaktojë edhe rregullat edhe shumën e dënimit”, tha ajo.
Tutje, Pacolli tha se ky vendim në përgjithësi është mirëpritur, përcjell Klankosova.tv.
“Deri më tani në reagimet që i kemi marrë, ky vendim është mirëpritur, madje edhe në reagimet e disa gastronomëve kanë thënë se ky është një vendim i mirë”, u shpreh ajo.
