Një debat i fortë ka shpërthyer mes Gertës dhe Rozanës në dhomën e grimit, ku në një moment është përfshirë edhe Valbona, duke bërtitur.
Situata vijoi më tej kur Gerta shkoi drejt dushit për t’u larë, ndërsa Rozana e ndoqi nga pas.
Përplasja verbale u tensionua kur Gerta i tha Rozanës: “Merri ilaçet”, ndërsa kjo e fundit u përgjigj se ato i merr për shtatzëni.
Në kulmin e debatit, Rozana i tha Gertës: “Kësaj here do të dalësh me zarf të zi”, duke lënë të kuptohet për një penalizim të mundshëm.
Pavarësisht se Gerta u fut në dush dhe i kërkoi Rozanës të largohej, kjo e fundit nuk u tërhoq.
Në një moment, Gerta e spërkati Rozanën me ujë në fytyrë, duke e lagur plotësisht.
Rozana i kërkon Gertës të fshinte fytyrën me një peshqir, por Gerta nuk reagoi dhe vazhdoi dushin.
Pas këtij tensioni, Rozana u pa e përlotur, duke lënë të kuptohet se debati e kishte prekur emocionalisht.
