“Qëndro Bekim Jashari”, Gani Geci reagon ndaj atyre që po e sulmojnë Bekimin: Të gjithë ata që po reagojnë në kohën e luftës ishin edhe kundër Adem Jasharit

Ish-luftëtari i orëve të para të Ushtrisë Çlirimtare të Kosovës, dhe ish-deputeti i Kosovës, Gani Geci, ka reaguar me një shkrim në rrjetin social Facebook, ku i doli në mbrojtje Bekim Jasharit, shkruan GazetaKosova.net

Kjo deklaratë e Gecit vjen pasi OVL e UÇK-së mori vendim të bojkotohet Qeveria në festën e pavarësisë së Kosovës.

Në mbrojtje të Qeverisë doli sot Bekim Jashari nga familja e madhe Jashari nga Prekazi.

Por, për çudi, pati reagime ndaj Bekim Jasharit në rrjete sociale.

E në mbrojtje të Bekimit doli Geci, i cili i kërkon të qëndroj, duke shtuar se e drejta e gjakut të familjes suaj do të mbytë të drejtën e përfitimeve personale politike të kujtdo qoftë, pavarësisht gabimeve që mund ti ketë bërë njeriu në rrugëtimin drejt lirisë së përhershme.

Geci madje thotë se, të gjithë këta që po i reagojnë Bekim Jasharit në kohë lufte ishin edhe kundër Adem Jasharit.

Reagimi i plotë:

Tmerri i tmerrit është për ata që, për interesa politike, mundohen ta zbehin Epopenë e UÇK-së dhe festën e Pavarësisë së Kosovës.

Qëndro, Bekim Jashari, sepse e drejta e gjakut të familjes suaj do të mbytë të drejtën e përfitimeve personale politike të kujtdo qoftë, pavarësisht gabimeve që mund ti ketë bërë njeriu në rrugëtimin drejt lirisë së përhershme.

Të gjithë ata që sot po i reagojnë Bekim Jasharit, në kohën e luftës ishin edhe kundër Adem Jasharit.

Ligji i luftës dhe të drejtës për liri ka vetëm dy nene:

Neni 1: Kurrë mos u dorëzo.

Neni 2: Mbaje mend të parin.