Gjykata Kushtetuese, në fillim të kësaj jave, ka filluar ta shqyrtojë kërkesën e kryeministrit Kurti dhe të grupit parlamentar të LVV-së lidhur me dekretin e presidentes Vjosa Osmani për shpërndarjen e Kuvendit.
Këtë njoftim e tha Sekretari i përgjithshëm i Gjykatës Kushtetuese, Veton Dula, i cili konfirmoi për RTV21 se lënda ka hyrë në fazën e shqyrtimit.
“Pas pranimit të komenteve nga palët e interesit fundjavën e kaluar dhe kompletimit të dosjes, në fillim të kësaj jave lënda ka kaluar në fazën e shqyrtimit.”, tha Dula.
