Ish-partnerja e Mateos nga “Përputhen”, Eda Likaj, ka rikthyer vëmendjen e ndjekësve pas një “story” që ka ngritur menjëherë dyshime për një hyrje të mundshme në Big Brother VIP Albania.
Në foton e publikuar, ajo shfaq një valixhe të përgatitur, detaj që për publikun nuk duket aspak rastësi ndërsa komentet e lidhin me hyrjen në shtëpinë më të famshme.Por kjo lëvizje merr edhe më shumë peshë për shkak të situatës aktuale të Mateos brenda shtëpisë.
Ai ka shprehur hapur pëlqimin ndaj Brikenës dhe dyshja duket gjithnjë e më pranë një lidhjeje, duke krijuar një dinamikë që po ndiqet me interes nga publiku.
Pikërisht në këtë moment, rikthimi i Edës në skenë mund të jetë një “tronditje” e fortë për këtë raport. Duke qenë ish-i i tij, prania e saj në shtëpi do ta vendoste Mateon përballë së kaluarës, ndërsa do të testonte edhe afrimitetin që ai po ndërton me Brikenën.Ende nuk ka një konfirmim zyrtar për hyrjen e Edës në BBVIP.
