Deputeti i Partisë Mundësia, Agron Shehaj, ka ndezur sërish debat të fortë politik në Kuvend, duke kërkuar publikisht dosjen e zv.kryeministres Belinda Balluku.
Me tone të ashpra, ai akuzoi jo vetëm mazhorancën, por edhe një pjesë të opozitës se po e mbrojnë atë dhe po pengojnë transparencën.
Sipas Shehajt, dosja është “kyçur” dhe nuk u është vënë në dispozicion të gjithë deputetëve, duke ngritur dyshime të forta për një mbulim politik që po trondit skenën parlamentare.
