Një grup i ri studimesh dhe interpretimesh po sfidon kronologjinë tradicionale të Piramidës së Madhe të Gizës, duke ngritur pyetje të reja mbi krijuesit e saj.
Autori britanik Graham Hancock, gjatë një interviste në podkastin “American Alchemy”, sugjeroi se shenjat gjeologjike dhe astronomike mund të tregojnë se monumenti nuk u ndërtua 4,500 vjet më parë nga faraoni Khufu, por nga një civilizim i humbur rreth 12,500 vjet më parë.
“Pjesë të Piramidës patjetër që janë përfunduar nga egjiptianët e lashtë,” tha Hancock. “Por unë mendoj se ata po trashëgonin një traditë shumë të vjetër dhe po e përfundonin një monument që tashmë ekzistonte në formë bazë në Platoën e Gizës.”
Një nga argumentet kryesore të Hancock-ut lidhet me mënyrën e erozionit të Sfinxhit të Madh, duke sugjeruar se vetëm shirat e rëndë gjatë mijëvjeçarëve mund të kishin shkaktuar dëmtimin e thellë të gurit. “Të tilla shirat nuk ndodhën në Platoën e Gizës 4,500 vjet më parë, por sigurisht po në fund të Epokës së Akullit,” tha ai.
Megjithatë, egjiptologi i njohur Dr. Zahi Hawass e ka kundërshtuar këtë teori. Ai ka deklaruar për mediat se ka zbuluar varre të punëtorëve datuar në shekullin e 13-të para Krishtit dhe i atribuon dëmtimet e Sfinxhit erozionit të shkaktuara nga era, jo nga shirat.
