Banorët e Big Brother VIP Kosova po vazhdojnë të krijojnë dinamika të reja brenda shtëpisë dhe një nga marrëdhëniet që po tërheq gjithnjë e më shumë vëmendje është ajo mes Toney-t dhe Benitës.
Ditët e fundit, dyshja është parë tepër e afërt, ndërsa sot Toney ka shkuar një hap më tej në mënyrën se si komunikon me të.
Ai i është drejtuar Benitës me emra përkëdhelës, duke e bërë atmosferën mes tyre dukshëm më intime dhe duke ngritur pikëpyetje për evoluimin e lidhjes së tyre brenda lojës.
Në një moment që tërhoqi vëmendjen e të gjithëve, ai e thirri “zemër” dhe “shpirt”, ndërsa nuk kurseu as një kompliment për aromën e saj, duke i thënë se po vinte erë jashtëzakonisht të mirë.
Gjatë ditës, Toney dhe Benita kanë zgjedhur të kalojnë kohë së bashku, larg dinamikes së përgjithshme të shtëpisë, duke u izoluar shpesh në cepa të ndryshëm për biseda të qeta.
Mbrëmja i ka gjetur madje të përqafuar në oborr, ku ndërmjet tyre është krijuar një afërsi që banorët e tjerë nuk e kishin parë më herët.
Teksa rrinin të shtrirë afër njëri-tjetrit, Benita nuk e fshehu shqetësimin e saj për stabilitetin emocional të Toney-t.
Ajo i tha hapur se në sytë e saj ai nuk po i dukej shumë i qëndrueshëm dhe se mënyra se si po sillej i krijonte dilema për qëllimet dhe vendimet e tij brenda lojës.
Toney u përgjigj pa hezitim, duke tentuar ta qetësojë. Ai e theksoi se sjellja e tij me Benitën ishte unike dhe krejtësisht e veçantë, duke e dalluar qartë nga marrëdhënia që kishte pasur më herët me Bian.
Sipas tij, me Bian nuk kishte qenë kurrë aq i hapur, aq i përkushtuar dhe aq i butë sa po shfaqej tani me Benitën. Me këtë deklaratë ai nënkuptoi se ndjenjat e tij kanë marrë një drejtim të ri dhe se lidhja e tij aktuale emocionale po krijohet pikërisht me të.
Dinamika mes tyre po bëhet gjithnjë e më e dukshme dhe po zgjon diskutime brenda dhe jashtë shtëpisë. Çdo gjest, çdo shikim dhe çdo koment i tyre po analizohet nga publiku, ndërsa mbetet për t’u parë nëse kjo afërsi do të çojë drejt një romance të vërtetë apo në një ndërlikim të ri brenda lojës së Big Brother VIP Kosova./ORAinfo/
