Këngëtarja e njohur shqiptare Egli Tako, e cila prej vitesh është bërë një ndër emrat më të komentuar në shoëbizin vendas, po shijon disa ditë pushimi në Stamboll, një nga qytetet më të vizituara në rajon.
Artistja, e cila njihet për stilin e saj modern dhe shpeshherë provokues në rrjete sociale, ka ndarë me ndjekësit momente nga udhëtimi i saj, por një prej postimeve të fundit ka ngjallur shumë reagime dhe diskutime në platforma të ndryshme online.
Në një “story” të publikuar në llogarinë e saj në Instagram, Egli është shfaqur brenda një veture luksoze, e veshur me stilin e saj karakteristik, ndërsa ka vendosur këmbët përpjetë mbi sedilje. Ky moment, që në pamje të parë mund të duket si një gjest i thjeshtë relaksi gjatë një udhëtimi, ka ndarë publikun në dy kampe.
Një pjesë e ndjekësve kanë reaguar menjëherë me komente kritike, duke e cilësuar pozicionin dhe mënyrën e saj të qëndrimit “jo të hijshme” dhe të papërshtatshme për t’u shpërndarë publikisht.
Disa prej tyre kanë vënë në dukje se, si personazh publik, këngëtarja duhet të jetë më e kujdesshme me imazhin që përcjell, veçanërisht në një kohë kur çdo detaj i jetës së saj vihet nën lupën e mediave dhe publikut.
Nga ana tjetër, nuk kanë munguar as zërat që e kanë mbrojtur Eglin, duke e parë postimin si një moment të çiltër e spontan të një vajze që po shijon kohën e saj të lirë larg angazhimeve profesionale.
Sipas tyre, artistja nuk ka bërë asgjë të pahijshme, por thjesht ka ndarë me ndjekësit një çast relaksi dhe rehatie, ashtu si shumë persona të tjerë që postojnë momente të ngjashme gjatë udhëtimeve. Për shumë prej tyre, reagimet negative janë të tepruara dhe tregojnë se sa e vështirë është për personazhet publikë të jenë vetvetja në hapësirën virtuale, pa u gjykuar.
Egli, e cila shpeshherë ka qenë në qendër të vëmendjes për stilin e saj të guximshëm dhe për mënyrën e drejtpërdrejtë me të cilën i përgjigjet kritikave, nuk ka reaguar deri më tani lidhur me debatet e krijuara.
Megjithatë, postimi i saj ka vazhduar të qarkullojë gjerësisht në rrjete sociale, duke u bërë temë diskutimi jo vetëm ndër ndjekësit e saj, por edhe në faqet që merren me lajme rozë.
Këngëtarja, e cila njihet për disa hite të suksesshme dhe për paraqitjet e saj energjike në skenë, duket se po e shfrytëzon këtë periudhë për t’u çlodhur dhe për t’u rikthyer me projekte të reja muzikore.
Edhe pse një postim i vetëm ka mjaftuar për të ndezur reagime të shumta, mbetet e qartë se Egli Tako vazhdon të mbetet një ndër artistet që di si të tërheqë vëmendjen, qoftë me muzikën, qoftë me praninë e saj në rrjete sociale./ORAinfo/
