Kandidati për kryetar të Drenasit, Ramiz Lladrovci, pas mbylljes së vendvotimeve dhe fillimit të procesit të numërimit të votave, ka deklaruar se nëse fiton garën për të parin e komunës, nesër do të jetë në zyrat e Partisë Demokratike të Kosovës.
Ai ka theksuar se është “shef i PDK-së në Drenas” dhe se qytetarët tashmë kanë folur me votën e tyre.
“Kanë fol qytetarët e Drenasit. Nëse fitoj sonte, nesër jam në zyrat e Partisë Demokratike, jam aty, jam shefi i Partisë Demokratike në Drenas”, ka thënë ai.
