Avokati Spartak Ngjela ka publikuar listën me emra të zyrtarëve që janë në shënjeshtrën e Prokurorisë së Posaçme, SPAK.
Ai rendit emrat e 10 politikanëve të lartë që janë në proces gjyqësor nga SPAK. Ndaj tyre rëndojnë akuzat për korrupsion, falsifikim dokumentesh dhe fshehje pasurie.
Nga kreu i Partisë Demokratike te deputeti Luan Baçi, Ngjela thekson se SPAK po godet seriozisht korrupsionin ndërsa pret zhvillimin e proceseve gjyqësore.
Statusi i plotë:
Këta janë politikanët e lartë që janë në proces gjyqësor nga SPAK; të akuzuar për korrupsion.
Sali Berisha – Dërguar gjithashtu për gjykim për aferën “Partizani”.
Ilir Meta – Në qeli për korrupsion dhe fshehje pasurie.
Fatmir Mediu – Në proces gjyqësor për Gërdecin.
Belind Këlliçi – Hetim për falsifikim dokumentesh dhe fshehje pasurie.
Flamur Noka – Hetim për fshehje pasurie.
Asllan Dogjani – Dërguar për gjykim për fshehje pasurie.
Bardh Spahia – Marrë i pandehur për shpërdorim detyre.
Xhelal Mziu – Hetim për tenderë pastrimi kur ishte kryetar bashkie në Kamëz.
Dashamir Xhika – Hetime për tenderë kur drejtonte ARRSH.
Luan Baçi – Hetim për fshehje pasurie.
Na duhet të theksojmë se nuk janë pak. Të shohim se si do të zhvillohen proceset gjyqësore.
Megjithatë po kuptohet se goditja penale e korrupsionit ka hyrë në një fenomen antikorrupsion në Shqipëri.
Por duhet të shohim vijimin…
