Një video e publikuar nga faqja “Zëri i Prizrenit” në Facebook po qarkullon në rrjete sociale.
Në pamje shihet një familje kosovare duke përgatitur fli në ambient të hapur, në një zonë malore, kur papritur aty kalon një ari.
Pavarësisht pranisë së kafshës së egër, të pranishmit nuk shfaqen të frikësuar; përkundrazi, ata e ndjekin me kuriozitet ariun për disa çaste.
Faqja që e ka shpërndarë videon nuk ka dhënë detaje për vendndodhjen e saktë të ngjarjes, megjithatë momenti ka tërhequr vëmendjen e publikut për natyrën e tij të pazakontë dhe përballjen e qetë të njerëzve me kafshën e egër.
