Të thjeshta, të përballueshme dhe të pasura me vlera ushqyese, vezët e ziera konsiderohen një nga ushqimet më të dobishme për shëndetin. Sipas ekspertëve të ushqyerjes, konsumimi i një ose dy vezëve në ditë mund të sjellë një sërë përfitimesh për organizmin.
Ushqejnë trurin dhe përmirësojnë kujtesën – Vezët janë burim i pasur me kolinë – një lëndë thelbësore për funksionet njohëse, përqendrimin dhe kujtesën. Marrja e rregullt e kolinës lidhet me ngadalësimin e rënies së aftësive mendore me kalimin e moshës.
Forcojnë muskujt – Proteinat me cilësi të lartë që gjenden tek vezët ndihmojnë në ndërtimin dhe ruajtjen e masës muskulore, sidomos për ata që stërviten apo rikuperohen pas dëmtimeve fizike.
Mbrojnë shëndetin e syve – Luteina dhe zeaksantina – antioksidantë që gjenden në të verdhën e vezës – luajnë rol mbrojtës ndaj sëmundjeve të syve, veçanërisht ndaj plakjes dhe dritës së dëmshme blu.
Ndihmojnë në balancimin e kolesterolit – Pavarësisht perceptimit të dikurshëm, vezët nuk janë armik i kolesterolit. Konsumimi i moderuar i tyre mund të rrisë nivelin e kolesterolit të mirë (HDL) dhe të përmirësojë raportin me atë të keqin (LDL).
Largojnë urinë dhe ndihmojnë në menaxhimin e peshës – Vezët janë të ngopshme dhe ndihmojnë në kontrollin e oreksit, duke ulur dëshirën për ushqim të tepërt gjatë ditës – veçanërisht nëse konsumohen në mëngjes.
