Fundi i sezonit po afrohet, gjë që është një shenjë e qartë se do të ketë thashtheme sa i përket transferimeve të futbollistëve në afatin kalimtar të verës.
“E fundit është krijimi i një ekipi vërtet super të fuqishëm në lindje të Ballkanit, më saktësisht në kufirin e Evropës dhe Azisë.
Galatasaray sigurisht që ka një numër yjesh botërorë në ekipin e saj, si Alvaro Morata ose Victor Osimhen, por qëndrimi i tyre në Stamboll është i pikëpyetje”, shkruan media boshnjake “Sportsport”.
“Qershia mbi tortë do të jetë nënshkrimi ne Granit Xhakën, sigurisht një nga mesfushorët më të mirë në botë.
George Gardi, një agjent i njohur, ka qenë një figurë kyçe në shumë transferime të profilit të lartë të Galatasarayt në vitet e fundit, dhe tani i është dhënë leja për të transferuar Xhakën.
Përfaqësuesit e Xhakës janë ftuar në Stamboll dhe priten negociata serioze në ditët në vijim.
Zvicerani me origjinë shqiptare ka një kontratë me Bayer deri në vitin 2028, dhe nuk do të ishte problem për të nëse oferta është e pranueshme.
Nuk përjashtohet mundësia që Xhaka përfundimisht ta pranojë projektin e Galatasarayt dhe të nisë një aventurë të re në karrierën e tij”, shkruan më tej.
