Pas përfundimit të Big Brother VIP Albania, një nga çiftet më të përfolur,
Tiri Gjoci dhe Krisa Çaushi, kanë thyer heshtjen në lidhje me akuzat që u bënë brenda shtëpisë për një flirt të mundshëm mes Tirit dhe Loredana Bratit.
Gjatë një interviste në “Natën me Aulonën”, çifti tregoi se situata tashmë është mbyllur, pasi Loredana ka kërkuar falje për deklaratat e saj.
Por Krisa nuk i kurseu fjalët, duke theksuar se e gjithë kjo ishte një tentativë për të dëmtuar imazhin e partnerit të saj.
“Kam reaguar në shtëpi sepse ajo që bëri Loredana ishte dëmtim imazhi për Tirin. E nxori si një person që flirton me çdo vajzë që i del përpara, ndërkohë që partnerja e tij ishte aty. Ajo më ka kërkuar falje.”
Nga ana tjetër, Tiri u shpreh se nuk i kishte pëlqyer mënyra se si u interpretuan gjërat në shtëpi dhe shtoi me ironi:
“Fansat e Big Brother janë për t’u studiuar, janë të çuditshëm.”
Ai shtoi se, edhe pse mund të ketë ndjerë pak inat për atë që ndodhi, e njeh mirë karakterin e Loredanës dhe nuk e sheh më si një çështje të hapur.
Krisa: “Jam njeri që fal, nuk e kam problem. Unë jam e hapur.”
Pas gjithë këtij rrëfimi, duket se çifti është më i fortë se kurrë dhe gati për të nisur një kapitull të ri jashtë shtëpisë së famshme.
