Serbia dhe Shqipëria janë zyrtarisht organizatorë të Kampionatit Evropian U-21 në futboll, megjithatë, disa ngjarje ka të ngjarë që ta detyrojnë UEFA-n të rishqyrtojë vendimin e saj përfundimtar shkruan mediumi boshnjak “Sportsport”.
“Plani i madh i udhëheqjes shtetërore serbe mund të rrezikohet pas ngjarjeve të fundit në Kosovë, por edhe në Shqipëri.
Vuçiç ka shpresa të mëdha për organizimin e panairit Expo 2027, si dhe të Kampionatit Evropian U-21. Të dyja ngjarjet janë planifikuar për rreth 15 muaj.
Serbia do ta organizojë Kampionatin Evropian së bashku me Shqipërinë dhe shumë shqiptarë dhe kosovarë nuk janë pajtuar me këtë.
Protesta e fundit ndodhi në ndeshjen kualifikuese të Kampionatit Evropian të futsalit midis Shqipërisë dhe Danimarkës.
Ndeshja u luajt në Kosovë.
Qyteti i Rahovecit priti ndeshjen midis Shqipërisë dhe Danimarkës, të cilën danezët e fituan 5:3.
Megjithatë, ajo që bënë tetë kosovarët ishte një goditje e rëndë për Serbinë, por edhe për ambiciet e saja në aspektin e organizimit të Kampionatit Evropian.
Konkretisht, ata sollën në ndeshje një banderolë ku shkruhej: “Federata e Futbollit të Shqipërisë, jo Kampionatit Evropian 2027”.
Kishte punë për policinë, e cila reagoi dhe i nxori spektatorët jashtë sallës, por dëmi ishte bërë tashmë.
Pritet që tifozët në Kosovë dhe Shqipëri do të bëhen gjithnjë e më të zhurmshëm në periudhën në vijim, dhe kjo do të jetë veçanërisht rasti gjatë ndeshjes kualifikuese midis Shqipërisë dhe Serbisë.
Nëse UEFA do t’ua hiqte të drejtat e organizimit serbëve dhe shqiptarëve, kjo do të ishte një goditje e rëndë për të dyja vendet. Gjithçka është në rrezik, por nëse situata përshkallëzohet, atëherë nuk duhet përjashtuar skenari më i keq për ambiciet e Vuçiçit”, shkruan mes të tjera media boshnjake.
