Burim Ramadani, njohës i çështjeve politike dhe ish-kryesinspektori i Agjencisë së Kosovës për Inteligjencë, është deklaruar rreth vizitës së presidentes Vjosa Osmani në këtë agjenci, dhe publikimin e një fotografie nga Osmani me disa punonjëse gra të AKI-së.
Ramadani, në postimin e tij të bërë në Facebook ka reaguar ashpër, duke e cilësuar veprimin e Osmanit si të paprecedent.
Edhe pse punonjëset në fotografinë e publikuar nga Osmani janë të kthyera me shpinë, Ramadani e cilëson si shkelje serioze ligjore.
‘‘E paprecedent, si asnjëherë më parë!
Ekspozimi i punonjësve të AKI (qoftë pjesë të caktuara identifikuese) përbën shkelje serioze ligjore!
Rrëzimi i investimit shumëvjeçar në mos-ekspozim të stafit rrezikon sigurinë e punonjëseve dhe sigurinë kombëtare!
Kur kjo vjen nga kreu i shtetit, po flasim për një shkelje mëse serioze!’’, ka shkruar ai.
