Annie Kilner, gruaja e futbollistit Kyle Walker, ka refuzuar një ofertë prej 900 mijë eurosh për të marrë pjesë në spektaklin “Big Brother Celebrity” në Britani. Sipas raporteve, ajo ishte një nga personazhet kryesore të ftuara për këtë edicion të ri, i cili do të nisë xhirimet këtë pranverë.
Megjithatë, Kilner ka vendosur ta refuzojë ofertën, pjesërisht për shkak të djalit të saj, Rezon, i cili është ende nëntë muajsh, dhe xhirimet e spektaklit zgjasin tri javë. Një burim tha se edhe pse ajo mund të ndihej e privilegjuar nga oferta, ajo ka vendosur të mos marrë pjesë për shkak të angazhimeve familjare dhe natyrës së spektaklit, i cili është i njohur për tensionet dhe debatet që shpesh shoqërojnë pjesëmarrësit.
Në vend të “Big Brother”, Kilner mund të jetë më e interesuar për formate të tjera si “I’m A Celebrity… Get Me Out of Here!” dhe është gjithashtu një fanse e spektakleve të tilla si “Dancing on Ice”. Ky është një tjetër shembull i vendimeve të kujdesshme që personazhet publike mund të marrin kur balancojnë jetën private dhe karrierën e tyre mediatike.
