Një skandal i madh ka ndodhur në turneun e kikboksit që u mbajt në Cetinje të Malit të Zi të premten.
Referi në ring, Fegja Trbonja goditi me trofe në fytyrë Migjen Shalën, trajnerin e kikboksierit nga Kosova, Nart Mehmeti.
Në një video, që është publikuar në uebfaqen e televizionit shtetëror të Malit të Zi, “rtcg.me”, por edhe në media tjera të këtij vendi, shihet se si trajneri i kikboksierit 16-vjeçar nga Kosova proteston pasi u shpall fitues kikboksieri nga Mali i Zi, Luka Heber.
Trajneri nga Obiliqi u fut në ring dhe shprehu pakënaqësi në drejtim të trajnerit të kikboksierit nga Mali i Zi.</p
