Një mjek nigerian me pasion për artin theu një rekord botëror Guinness me një vizatim prej 1004.7 metrash katrorë që festonte kulturat e vendit të tij.
Fola David-Tolaram, 31 vjeç, krijoi vizatimin e tij të titulluar Uniteti i Diversitetit në një stadium me 5000 vende.
Vizatimi më i madh në botë nga një individ përshkruan një hartë gjigante të Nigerisë që përmban imazhe të popujve të ndryshëm dhe rajoneve të vendit, përcjell Telegrafi.
“Vendi nigerian është një komb multikulturor. Doja të krijoja diçka që flet për këtë dhe t’u jap njerëzve diçka për të festuar kulturat e tyre” tha David-Tolaram për Guinness.
“Para se të nisja këtë vizatim rekord, bëra një udhëtim nëpër vendin tim për të përjetuar personalisht këto kultura të ndryshme dhe ishte kjo përvojë që solla në stadium për të krijuar këtë vizatim”, shtoi ai.
