Mehmet Loci nuk ka shprehur pendesë për veprimtarinë e tij e dhunën e ushtruar në kohën e ish-Jugosllavisë ndaj ish-të burgosurve politikë shqiptarë.
Ai e mohoi një pjesë të akuzave, por e pranoi që ka ushtruar dhunë ndaj disa shqiptarëve që ishin të burgosur nën regjimin e ish-Jugosllavisë.
“Unë në gishta i njoh kë e kam rrahur”, tha i papenduar Mehmet Loci.
Ndryshe Loci është akuzuar nga shumica e ish-burgosurve politikë që rrëfyen për torturat që i kishin përjetuar në burgjet e ish-Jugosllavisë.
