Zëvendësdrejtori i RTK-së, Adi Krasta, sonte do të rrëfehet për gjithçka që ndodhi në tri javët e fundit në lidhje me lajmin skandaloz të transmetuar në RTK, ku shpifet për Periskopin dhe Nacionalen.
Krasta, i cili tërë përgjegjësia ka rënë mbi të, për mosveprimet ndaj atyre që lëshuan këtë “Fake Neës” duke rrezikuar edhe jetën e gazetaravë të dy mediumeve – i kontaktuar nga Periskopi ka kërkuar falje që s`mund të flas, duke ftuar gazetarët e Periskopit që ta ndjekin me vëmendje atë se çfarë do të rrëfej sonte me fillim nga ora 20:00.
“A e dini si është puna. Unë sone në orën 20:00 kam vendosur të bëj një intervistë në RTK. Kështu që më duket jo normale të flas kundër kohe kur jam sonte në RTK për të gjitha elementet e temave. Kështu që unë ju kërkoj falje juve që nuk do mund të ju informoj përpara RTK`së… Bile une ju lus juve .. shpresoj shumë se do të ngriheni përtej ngjarjeve dhe pozicionimeve të momentit dhe kohës dhe të interesave të zakonshme për të parë thënë të drejtën interesin e RTK`së sespe është shumë i rëndësishëm për popullin e Kosovës dhe ju falenderoj për mbështetje…”, tha Krasta për Periskopin.
Kujtojmë se deri më sot, kryetari dhe tre anëtarë të bordit të RTK’së kanë dhënë dorëheqje pas lajmit të rremë të transmetuar në televizionin publik ku shpifet për Periskopin dhe Nacionalen.
Për më shumë lajme rreth kësaj ngjarje, lexoni më poshtë:
