Gazetarja e RTL raportonte nga Dalmacia për zjarret. Në një moment gazetarja qëndronte në këmbë dhe fliste para kamerës ndërsa në një tjetër pozë ajo shihet e lagur nga koka te këmbët.
Gjegjësisht, teksa ajo ishte duke qëndruar në rrugë e rrethuar nga tymi i dendur dhe duke u përpjekur të raportonte për zjarret, mbi të fluturoi një aeroplan që bartte ujë, të cilën e derdhi drejt zjarreve, por doli që e lagu edhe reporteren.
“Raportimi në situata emergjente ndonjëherë mund të përfundojë kështu”, thuhet në përshkrimin e videos.
Kujtojmë se pas zjarrfikësve të vendosur në stacionet e zjarrfikësve në zonën e Dalmacisë, qëndron një tjetër ditë e vështirë dhe ende nuk janë shuar dy zjarre të mëdha, ai në Tuçepi dhe në Vrsine pranë Trogirit.
Në Tuçepi, 306 zjarrfikës me 77 automjete janë përpjekur që nga mbrëma e së martës për të shuar zjarrin në një zonë të hapur, i cili u transportua nga era dhe përfshiu Parkun Natyror Biokovo dhe arriti në Podgora, ku banorët u transferuan nga shtëpitë e tyre në shkollë.
Deri më tani në atë zonë janë djegur rreth 400 hektarë bimësi dhe pyje me pisha. /Telegrafi/
