Sulmuesi i kombëtares shqiptare, Mirlind Daku ka kërkuar falje për sharjet pas barazimit 1 me 1 me Kroacinë, për të cilat UEFA ka nisur hetimet.
26-vjeçari është duke u hetuar pasi me magnetofon njëzëri me tifozët ka sharë maqedonasit dhe serbët.
Ai ka tentuar të arsyetohet se në ato momente emocionet janë në një nivel tjetër dhe vetëm brenda fushës mund të kuptohen.
“Përshëndetje të gjithëve. Së pari dua të jem falenderues ndaj të gjithë atyre që na kanë përkrahur në momentet e mira dhe të vështira në Euro 2024. Si çdo futbollist, në ato momente emocionet janë në një nivel tjetër, ku vetëm brenda fushës mund të kuptohen, është e vështirë të përshkruash ndjenjën e të luajturit për këtë Kombëtare, për këta tifozë të mrekullueshëm që na japin dashni pa kufi, ashtu siç është dhe moto jonë, “Shqipëri dashni pa kufi””, ka shkruar Daku.
Ndjesë nëse kam fyer dikë pas ndeshjes me Kroacinë, afekti i lojës e bën të vetën, unë vazhdoj të punoj së bashku me gjithë grupin rreth ëndrrave tona.
Falja është burrërore, dhe e ndjej obligim moral dhe profesional ta bëj një gjë të tillë, për gjithë ata që janë lënduar”, ka shkruar ai.
