Nga ekstremi në ekstrem pritet të kemi motin në Evropë gjatë festave të fundvitit. Në pjesën më të madhe të Kontinentit të Vjetër nuk do të ketë borë, ndërsa temperatura ekstremisht të ulëta do të rikthehen në Skandinavi dhe Rusi në anën tjetër temperatura ekstremisht të larta do të përfshijnë Evropën jugperëndimore, jugore, juglindore dhe pjesë të Evropës qendrore e lindore.
Temperaturat normale për këtë periudhë kohore do të ketë në shumë vise të Evropës perëndimore e veriperëndimore si në Francë, Gjermani, Beneluks e Britani të Madhe.
Petku i bardhë do të mungojë në shumicën e territoreve të Kontinentit të Vjetër që nga Portugalia ku është më se normale e deri në Ukrainë në lindje do të mungojnë reshjet e borës apo edhe ajo e mbetur do të shkrihet.
Bora e mbetur do të jetë prezente në Alpe dhe disa nga malet më të larta të Ballkanit. Borë do të ketë edhe në veri të Anglisë, Skoci sidomos dhe pjesë të Irlandes Veriore. Më së shumti bore do të ketë në Skandinavi ku temperaturat do të ulen përsëri në mënyrë ekstreme si dhe në Rusi. Borë do të ketë edhe në lindje dhe verilindje të Turqisë.
Në viset tjera bora do të jetë fenomen shumë i rrallë gjatë këtyre ditëve, përpos vendeve-malore ku mund të ketë më shumë me kalimin e fronteve të lagështa të Atlantikut. Në territoret tona as borë e as shi.
Pra, temperaturat ekstremisht të ulëta përfshijnë Skandinavinë e Rusinë, ndërsa temperaturat mjaft të larta për këtë periudhë kohore përfshijnë Ballkanin, pjesë të Evropes qendrore, lindore, jugore dhe jugperëndimore.
