Shaban Murseli, babai i Naimit i cili po dyshohet se organizoi vrasjen e gruas së tij Liridona Ademaj, ka folur për gjendjen e fëmijëve, problemet mes çiftit si dhe për besën që i dhanë familja e të ndjerës Ademaj.
“Fëmijët e Liridonës mbrëmë për herë të parë i kanë kërkuar dajtë. Ne nuk kemi asnjë kontakt me familjen Ademaj. Unë i kam dërguar dy persona tek familja e Liridonës dhe kam kërkua të marr pjesë në rivarrim, nuk më kanë kthyer përgjigje. Besë kemi pas dy ditë, dy ditë kanë kalua dhe ne nuk kemi më asnjë informatë tjetër”, ka thënë Shaban Murseli babai i Naimit për “Indeksonline”.
Murseli dje ka përcjellë një mesazh përmes një interviste për familjen Ademaj.
“Mesazhi im kishte me qene, hajdeni ti ndërrojmë venat”.
