Seanca e sotme plenare ka nisur me debate e përplasje fizike. Teksa kryetarja e Kuvendit Lindita Nikolli mori fjalën, pati kundërshti në radhët e opozitës. Deputetët e Partisë Demokratike kanë bllokuar foltoren duke kërkuar që Garda të dalë nga salla. Po ashtu janë rikthyer pas 10 ditësh në seancë 23 deputetë të PD-së.
“A je në terezi?!”, i drejtohet Gazment Bardhi Nikollës.
“Shumë në terezi jam, mirë e ke krahun? Ju lutem kolegë deputetë zini vendet!”, u përgjigj Nikolla.
Në momentin që Vullnet Sinaj (nga pala mazhoritare) ka marrë fjalën nga vendi, deputetët e opozitës nuk e lejuan, debat që më pas u përshkallëzua deri në përplasje fizike.
Ishte deputeti Bledion Nallbati ai i cili i mbylli mikrofonin Sinajt e më pas e grushtoi.
Mësohet se Nallbati është përjashtuar nga seanca plenare. Kryetarja e Kuvendit kërkoi 5 minuta ndërprerje të seancës./tvklan.al
