Pamjet e tmerrshme tregojnë momentin kur një burrë plagoset rëndë nga një pajisje në një palestër në Brazil. Mundësia që ai të ecë përsëri është vetëm 1%.
Regilânio da Silva, 42 vjeç, sapo kishte bërë një pushim midis stërvitjeve të tij dhe ishte ulur në stol kur një pajisje me peshë 330 kg i ra në qafë të premten në një palestër në Juazeiro do Norte, Ceará. Tre burra mund të shihen duke hequr me shpejtësi levën nga shpina e da Silvës dhe duke sinjalizuar për ndihmë ndërsa ai qëndron i ulur në stol.
Babai i tre fëmijëve, Da Silva iu nënshtrua katër orë operacioni urgjent për të stabilizuar qafën e tij. Nga përditësimi i fundit mjekësor rezultoi se gjendja e tij ishte stabile, por ai nuk ka lëvizshmëri në këmbë.
Motra e tij, Maria das Dores , deklaroi se ai ka lëvizshmëri në duart e tij. Neurokirurgu Dr. José Correia tha se shanset që ai të mund të ecë përsëri janë shumë të pakta.
“Kjo varet shumë nga shkalla e dëmtimit fillimisht, niveli i rikthimit të funksioneve të mëparshme”, tha Dr. Correia.
“Nuk ka as elementë lëvizës dhe as të ndjeshëm, për fat të keq. Është dëmtimi më i rëndë që ka për sa i përket dëmtimit neurologjik. Probabiliteti që funksionet e tij motorike të kthehen është statistikisht më pak se 1%.
Bashkimi torakolumbar, i cili është kalimi nga gjoksi në rajonin e mesit, ka humbur vazhdimësinë kockore.”, shtoi Dr. Correia.
Sipas palestrës, pajisja është blerë rreth dy muaj më parë dhe ishte në gjendje të shkëlqyer. Familja e da Silvës tha se miqtë e tij dhe palestra ndanë koston prej 7,000 dollarësh të operacionit.
Që atëherë ata kanë krijuar një llogari në faqen e crowdfunding për të mbledhur para për shërimin e da Silvës.
