Emisari i SHBA-së, Gabriel Escobar, në një konferencë për media ka thënë se janë duke e ndjekur me kujdes rastin e 3 policëve të Kosovës. Escobar ka thënë se tani që po flet, janë dy skenarë të mundshme, që 3 policët kosovarë janë marrë nga territori i Kosovës dhe janë dërguar në Serbi dhe që kanë mundur të kalojnë kufirin pa dashje dhe e kanë gjetur veten në Serbi.
Escobar thotë se në secilin rast, është e qartë që 3 policët e Kosovës s’kanë pasur synim që të jenë në Serbi dhe duhet të lirohen.
“Po e ndjekim rastin e tre policëve të arrestuar me shumë kujdes. Ne do të kemi një qëndrim kur të kemi faktet e plota. Tani, janë dy skenarë të mundshme, që ata janë marrë nga territori i Kosovës dhe janë dërguar në Serbi dhe i dyti ata kanë kaluar kufirin pa dashje dhe e kanë gjetur veten në territorin e Serbisë. Por është e qartë që këta polic s’kanë pasur synim për të qenë në Serbi dhe duhet të lirohen”, ka thënë Escobar.
Emisari amerikan ka thënë se janë duke pritur kompletimin e të gjitha fakteve, për të dalë pastaj më një qëndrim të plotë.
“Sapo të mblidhen faktet, ne do të dalim me një qëndrim”, ka deklaruar Gabriel Escobar.
