Kryemistri i Shqipërisë, Edi Rama ka bërë të ditur se ua ka propozuar Gjermanisë dhe Francës një draft të Asociacionit për Republikën e Kosovës.
Pas këtij lajmi ka reaguar, deputeti i Lëvizjes Vetëvendosje, Adnan Rustemi.
Ky i fundit ka ironizuar duke thënë se Rama kot e dërgon draftin në Berlin e Paris pa e dërguar njëherë të Dejona Mihaili.
“Rama paska dërguar draft-statut për Asociacionin e komunave me shumicë serbe te Scholzi dhe Macroni. Kot i dërgon në Berlin e Paris pa i dërguar njëherë te Dejona Mihali”, ka shkruar Rrustemi në Facebook.
Në anën tjetër, kryeministri i Shqipërisë, Edi Rama ka thënë se e ka vënë në dijeni edhe presidentin e Këshillit Evropian, Charles Michel dhe palën amerikane.
“Dje i kam përcjellë presidentit Macron dhe Scholz një draft të Asociaoinit për të cilin kam vënë në dijeni edhe Charls Micheln dhe palën amerikane. Është një draft punuar nga ekspert të nivelit më të lartë amerikanë dhe evropianë prej kohësh. Gjë që është bërë pikërisht në rast se do të vinte kjo ditë.Kjo ditë kur palët dhe në këtë rast, për mua i pakutpueshëm është pozicioni i Kosovës dhe jo i Serbisë. Palët nuk po mërren dot vesh se as kush duhet ta shkruaj këtë tekst, e jo më se cfarë do të ketë teksti. Është dokument konfidencial që s’pretendon të jetë zgjidhja ideale por është një dokument i nivelit më të lartë që merr në konsideratë se Asociacioni është pjesë e organizimit të jetës në Republikën e Kosovës duke adresuar të gjithë rekomandimet e Gjykatës Kushtetuese të Kosovës. Uroj që ky material do të vlej për të cuar në një nivel tjetër dialogun dhe për t’I bërë palët që të flain për gjëra konkrete”, ka deklaruar Rama.
