Këngëtari i njohur, Armaldo Kllogjeri, ishte dje i ftuar në “E Diell Folk”, ku përveçse ka ndezur skenën me disa këngë popullore, u është përgjigjur edhe disa pyetjeve pikante.
Madje në një moment ai është pyetur “se çfarë do t’i thoshte gruaja nëse do lyente flokët si Luizi apo thonjtë si Kristi? A do të fuste në shtëpi apo jo”.
“Do të mërzitej shumë, në shtëpi padyshim që do të më fuste. Do të thoshte ‘ky është vendimi jot’. Për të dyja, si për flokët ashtu edhe për thonjtë”.
Maestro shton se siç bëri zgjedhjen për të hyrë në “Big Brother VIP 2”, bashkëshortja do t’i thoshte ‘për mua nuk dukesh bukur, por kjo është zgjedhja jote”.
Kujtojmë se gjatë emisionit Krist Aliaj e ka surprizuar Armaldon. Teksa ky i fundit po fliste për të, ish-banori i shtëpisë më të famshme në Shqipëri ka hyrë në studio dhe e ka takuar.
