Analisti politik, Arton Muhaxheri, ka thënë se kryeministri Albin Kurti është përgjegjësi kryesor për ikjen e mjekëve nga Kosova, gjë e cila nuk po i intereson fare atij, raporton Gazeta Blic.
Përmes një postimi në Facebook, ai ka thënë se e vetmja brengë e Kurtit është kapja e institucioneve të Kosovës.
“Nuk mbahet mend që nga Kosova të kenë ikur kaq shumë mjekë sa po ikin në kohën kur në krye të Qeverisë është Albin Kurti. Të gjithë qytetarët e Kosovës janë të shqetësuar për këtë situatë dhe i vetmi person që nuk shqetësohet është Albin Kurti, i cili të vetmen brengë e ka për t’i kapur institucionet publike. Se sa e rëndësishme është shëndetësia për Albin Kurtin tregon fakti se sa gjatë e ka lënë këtë ministri pa ministër. Prandaj, secili nga ne sot duhet ta bëjmë përgjegjës Albin Kurtin për situatën ku ndodhet shëndetësia në Kosovë”, ka thënë ai.
