Një fotografi që është bërë virale tregon një veturë Tesla me një gjenerator benzine në anën e pasme.
Dhe siç supozohet, fotografia është bërë në Ukrainë, përcjell Telegrafi.
Disa sugjerojnë se gjeneratori po përdoret “për ta kthyer Tesla-n në një hibrid”, ndërsa të tjerë thonë se gjeneratori thjesht po transportohet.
Ndryshe, të kesh një furnizim alternativ me energji elektrike do të ishte sigurisht e dobishme edhe për pronarët e automjeteve elektrike në Ukrainë tani.
Kjo pasi që lufta ka rezultuar në ndërprerje të shumta të energjisë elektrike në të gjithë vendin, gjë që në fakt do t’i linte pronarët e automjeteve elektrike pa asnjë mënyrë për të mbushur veturat e tyre me energji elektrike.
Andaj, ndoshta mbajtja e një gjeneratori portativ me makinën mund ta zgjidhë këtë problem!? /Telegrafi/
