Problemi është në sensorin e detektimit të papastërtive
Shumica e njerëzve i shpëlajnë enët e përdorura para se t’i fusin në makinë, mirëpo ekspertët theksojnë që ata bëjnë një punë të panevojshme, por gjithashtu shpenzojnë kot edhe para edhe kohë
Makinat dhe detergjentet moderne janë të dizajnuar në atë mënyrë që t’i pastrojnë enët të cilat vërtet janë të ndotura.
Për këtë shkak ekspertët theksojnë që shpëlarja e enëve vërtet është një punë e panevojshme, transmeton Telegrafi.
Eksperti i pastrimit dhe i organizmit në kompaninë „Fantastic Cleaners“, Din Davis, thekson që “shumica e makinave kanë të montuar një sensor për detektimin e ndotjeve në enë dhe sipas atij sensori e përshtatin larjen”.
Nëse sensori detekton që nuk ka shumë njolla dhe ndotje në enë, sepse më parë i keni larë, makina mbase nuk do të bëjë mirë pjesën e vet të punës.
Përveç kësaj, edhe detergjenti për larje të enëve përmban përbërës të cilët zbërthejnë grimcat e ndotjes që ngjiten në enë. Mirëpo, nëse më parë i shpëlani enët, detergjenti është më pak efikas.
Nuk duhet harruar edhe që shpenzoni kot ujë nëse i shpëlani enët para se të fusni në makinë. /Telegrafi/
