Obligim, dëshirë apo “trend”, çfarëdo qoftë, e sido që ta quajmë, për 2 vitet e fundit nga shtetësia e Republikës së Kosovës kanë hequr dorë 9 mijë e 361 persona.
Siç kanë bërë të ditur për lajmi.net nga ministria e Punëve të Brendshme, veç brenda 11 muajve të 2022-tës, nga shtetësia e Kosovës janë liruar gjithësej 4 mijë e 423 persona.
“Në vitin 2021, nga shtetësia e Republikës së Kosovës janë liruar gjithsej 4,938 persona. Gjatë periudhës 01.01.2022-30.11.2022, nga shtetësia e Republikës së Kosovës janë liruar gjithsej 4,423 persona”, bënë të ditur ministria e Punëve të Brendshme.
Kur është në pyetje nënshtetësia e Kosovës apo e shteteve të Bashkimit Evropian, kosovarët duket se me përzemër e kanë atë të BE-së.
Kjo pasi që, sipas kësaj ministrie, arsyet më të shpeshta të heqjes dorë nga nënshtetësia e RKS-së është pikërisht marrja e asaj të shteteve të BE-së.
