Kryetari i KF Trepçës, Nexhmedin Haxhiu, në emisionin “Favoriti i Botërorit” në T7 zbuloi edhe një histori interesante që ka me Khabib Nurmagomedovin, si dhe familjen e tij.
Ai tha se u njoftua me familjarët e tij gjatë kohës sa ishte në Ukrainë, atje ku kishte dërguar disa futbollistë nga Kosova e Shqipëria, shkruan Gazeta Express.
“U takuam me axhën e tij. Krijuam një shoqëri të mirë. E Kishim si mbrojtje në një farë forme, pasi situata nuk e kishte e mirë në Ukrainë”, tha fillimisht ai.
Tutje, Haxhiu tha se e ka financuar një turne të mundjes atje, në të cilin mori pjesë ish-kampioni i botës në UFC, Khabibi.
“Me traditë janë mundësa familjarisht. Dikur më tha sa dëshiron të organizojë një turne kombëtar. Ne nuk e kishim problem, se ishim mirë financiarisht. E organizuam, erdhi edhe babai i Khabibit. Një garues ishte që bëri gara për Kosovën. Jam rregullisht në kontakt me ta. Kam qëndruar 3 vjet te ata”, deklaroi Haxhiu. /Gazeta Express/
