Sot, çdo kush nuk ka asnjë dyshim se planeti është sferik. Mirëpo, reperi kosovar, Getoar Aliu beson se planeti Tokë është i rrafshët. Këtë deklaratë ai e ka dhënë gjatë një bisede me pjesëtarët e tjerë të Big Brother Vip Kosova.
Ai madje shton se një mendim të tillë e kishte pasur që kur ishte i vogël në moshë. “Unë i kam pas 13 vjet kur kam thanë që bota është “flat” (e rrafshët). Edhe hala e mendoj. E di që na kanë mësu në shkollë, po unë s’e besoj”- thotë Getinjo, shkruan Insajderi.
Derisa, që toka nuk është e rrumbullakët por e rrafshët beson edhe Gjon Karrica – Lugati. Vlen të theksohet se, meqenëse Toka në pole është diçka më e shtypur, kurse në ekuator pak më e zgjeruar, ajo ka formë të elipsoidit.
Teksa, interesante është edhe përgjigja e “Google” për pyetjen se, “a është Toka e rrafshët”.
“Jo, Toka është përafërsisht e një forme sferike”.
