Filozofi kontraverz i Lëvizjes Vetëvendosje, Elvis Hoxha, Përfaqësuesin Special të Bashkimit Evropian për Dialogun ndërmjet Kosovës dhe Serbisë, Miroslav Lajçak, e ka quajtur përfaqësues të Serbisë.
Vizitën e Lajçakut në Beograd, Hoxhaj e interpretoi si “lutje” ndaj Presidentit të Serbisë, Aleksandar Vuçiç, për të marrë pjesë në Samitin e Ballkanit Perëndimor që mbahet në Tiranë, pjesëmarrje këtë të cilën Vuçiç e vuri në pikëpyetje.
Hoxha, madje, ka shkruar – duke e marrë për të mirëqenë – se meqenëse Lajçak “është gjithnjë përfaqësues i Serbisë e jo BE-së”, atëherë, “do të duhet që BE-ja të gjejë përfaqësuesit e vet të denjë në dialogun Kosovë-Serbi”.
Shkrimi i plotë i Elvis Hoxhës:
Shkon Lajçaku të bindë Vuçiçin të vijë në Tiranë për Samitin. Vuçiçit i duhet ta lusin. Dhe Lajçaku e luan mirë lojën. Shkon e lut dhe i premton se është gjithnjë përfaqësues i Serbisë dhe jo i BE-së.
Do të duhet që BE-ja të gjejë përfaqësuesit e vet të denjë në dialogun Kosovë-Serbi.
